Мит

       Мит е грчки збор што значи приказна, раскажување. Митот е дел од народното (усното) творештво и во него се раскажува за божества, јунаци и херои. Не ретко се поврзува со старите религии во кои имало божества за различни природни појави, настани коишто луѓето не можеле да си ги објаснат (на пр.: громови, пожар, земјотреси, суша, итн.).

Словенска митологија

       До сега повеќепати сте зборувале за грчката митологија и за римската митологија. Тие се најпознати. Дури и некои планети и соѕвездија се именувани според нив. Ама, овојпат нема да зборуваме за нив. Овојпат ќе зборуваме за словенската митологија. Ова се само некои од старите словенски божества:
  • Сварог - богот на сонцето, го создал светот и светлината.
  • Перун - врховен бог; бог на громот, владетел на светот и на вселената.
  • Чернобог (Црнбог) - бог на несреќите, болестите и злобата.
  • Световид - бог-заштитник на обичните луѓе.
  • Среча - божица на среќата и успехот.
  • Радегаст (Радогост) - бог на гостољубивоста.
  • Сива (Жива) - божица на животот.
  • Белбог - бог на светлината, здравјето.
  • Весна - божица на пролетта и добрината.
  • Подага - божица на ловот и дивечот.
  • Велес - бог на богатството и заштитник на домашните животни.
  • Дажбог (Дајбог) - бог на плодноста.
  • Лада - божица на љубовта.
  • Морана - божица на смртта.
​       Покрај сите овие божества, словенската митологија изобилува и со други волшебни суштества: самовили, врколаци, вампири, русалки итн., а најпозната меѓу нив е Баба Рога (Баба Јага). 

Проект - задача:

        Твојата задача се состои во тоа да си одбереш ЕДЕН од словенските богови и да го претставиш пред одделението.
           Сепак, не е сѐ толку едноставно. Потребно е да ги следиш следниве правила: 
  1. Задачата е индивидуална - значи, секој ученик треба самостојно да истражува и да изработи своја задача.​
  2. Проектот треба да биде изработен на лист од блок бр. 5 (истиот што го користиш за предметот ликовно образование).
  3. Текстот треба да биде напишан ЧИТЛИВО, со рака, со кирилично писмо, а НЕ отпечатен и лепен.
  4. Текстот треба да е пишуван со фломастер.
  5. Проектот треба да има илустрации коишто може да бидат цртани, боени, печатени, лепени (но внимавај на квалитетот на фотографијата). Илустрацијата може да е нешто што е карактеристично за божеството (на пр. гром/молња, а не целото божество).
  6. Техничкото уредување е твое, но внимавај на маргините, редот и проредот, големина на буквите и должината на текстот, поставеноста на елементите и симетријата и сл.
​
      Сите овие барања што ги наведов се всушност дел од вреднувањето на проектот, покрај содржината, правописот, држењето и дикцијата на говорот.
​

Рок за проектот
Проектот започнува на:
  • 20. II 2020 год. (за VII 2, VII 5 и VII 6), те.
  • 21. II 2020 год. (за VII 1, VII 3 и VII 4) 
Задачите треба да бидат предадени најдоцна до крајот на нашата смена на:
  • 11. III 2020 год. (за VII2, VII5 и VII6), те.
  • 12. III 2020 год. (за VII1, VII3 и VII4) 

Пријатна забава и интересно учење!